Իսրայելը «կանխարգելիչ» հարված է հասցրել Իրանին։
Այս մասին հայտարարել է Իսրայելի պաշտպանության նախարար Իսրայել Կացը։
«Իսրայելի պետությունը կանխարգելիչ հարված է հասցրել Իրանին, որի արդյունքում մոտ ապագայում Իսրայելի պետությանը կհասցվեն հրթիռային և անօդաչու թռչող սարքերի հարվածներ»,- ասել է նա։
Կացը երկրում արտակարգ դրություն է հայտարարել։ Իսրայելի պաշտպանության ուժերը ազդանշաններ են տվել և զգուշացրել իսրայելցիներին մնալ ապաստարանների մոտ։
Իսրայելում արգելվել են կրթական միջոցառումները, հավաքույթները և գրասենյակային աշխատանքները՝ բացառությամբ կենսականորեն կարևոր ոլորտների։
Ըստ իրանական լրատվամիջոցների, Թեհրանում երեք պայթյուն է տեղի ունեցել։
