ՀՀ-ում կստեղծվի արագ արձագանքման բժշկական թիմ: Համապատասխան նախագիծը հաստատվել է ՀՀ կառավարության նիստում:
Ըստ Կառավարության որոշման՝ այս խումբը պետք է հագեցած լինի անձնակազմով, գույք-սարքավորումով, սնունդով և այլն, ունենա այն ամենը, ինչն անհրաժեշտ է ցանկացած վայրում տեղակայվելու և տուժած քաղաքացիներին անհրաժեշտ բժշկական օգնություն և սպասարկում ցուցաբերելու համար:
Այն կարող է ներգրավվել ինչպես ՀՀ-ում տուժածներին բժշկական օգնություն տրամադրելու աշխատանքներին, այնպես էլ ՀՀ-ից դուրս միջազգային մարդասիրական առաքելություններին:
Առողջապահության նախարարության հետ այս միջոցառման համակատարող կլինի Ներքին գործերի նախարարությունը:
