Թբիլիսիում իրավիճակը ծայրաստիճան լարված է։ Ոստիկանության հատուկ ուժերը ռետինե փամփուշտներով կրակ են բացել ցուցարարների ուղղությամբ, որոնք գրոհել են Ազգային ժողովի շենքը։ Կան վիրավորներ։ Վիրավորների թվում է Վրաստանի Առաջին ալիքի լրագրողը։
Ըստ տեղի լրատվամիջոցների, վիրավորներ կան և ոստիկանության, և ցուցարարների շարքերում։
Առողջապահության նախարարությունը հայտնում է 16 վիրավորի մասին, որոնք հոսպիտալացվել են։
Իրավիճակը Վրաստանի մայրաքաղաքում սրվել է, երբ այսօր խորհրդարանում մեկնարկել էր Ուղղափառության միջխորհրդարանական վեհաժողովը, որին մասնակցում էր նաև Ռուսաստանի պատվիրակությունը:
Երբ այն նախագահող ռուս պատգամավոր Սերգեյ Գավրիլովը զբաղեցրել է Վրաստանի խորհրդարանի ղեկավարի աթոռը, նիստին ներկա այլ պատգամավորներ բողոքի ակցիա են իրականացրել, ինչը այնուհետև շարունակվել է խորհրդարանի շենքից դուրս։
"კურიერის" სპეციალური გამოშვება 21:00 საათზე
Posted by Rustavi 2 on Thursday, June 20, 2019
