ՀՀ վարչապետի տիկին Աննա Հակոբյանը սոցցանցերի իր էջերում անդրադարձել է ԱՄՆ փոխնախագահի և վերջինիս ընտանիքի՝ օրերս ՀՀ կատարած պաշտոնական այցին, առանձին անդրադարձել Վենսի որդիներից մեկի՝ ընթերցանության հանդեպ սիրուն:
«Տարբերվող և տպավորիչ մարդկանց հանդիպելու հնարավորությունն ամենագրավիչ երևույթն է, որ ունի այս կարգավիճակը։ Նման մարդկանց իմ ցանկը համալրեցին Ջեյ Դի Վենսն ու նրա կինը՝ Ուշա Վենսը։
Վենսերի չքնաղ ընտանիքը նաև ակամայից քաջալերեց գիրք կարդալու արշավը։ Նրանց ավագ որդին՝ Էվանը, Զվարթնոց օդանավակայանում ինքնաթիռից իջավ գիրքը ձեռքին և մեկնելիս նույնպես գիրքը ձեռքին բարձրացավ ինքնաթիռ։ Սա նշանակում է, որ Էվանը թռիչքի ժամանակը` կամ առնվազն դրա մի մասը, նվիրում է ընթերցանությանը»,- գրել է Աննա Հակոբյանը:
