«Քաղաքացիական պայմանագիր» խմբակցության պատգամավոր Լուսինե Բադալյանի խոսքով՝ ԱՄՆ փոխնախագահ Ջեյ Դի Վենսի այցը այլ կերպ, քան պատմական, հնարավոր չէ բնորոշել:
Ըստ նրա՝ սա ոչ թե ձևական այց էր, այլ իշխող ուժի առաջ մղած խաղաղության և ժողովրդավարության հետևանք:
Բադալյանի խոսքով՝ Վենսի այցին ընդառաջ ընդդիմությունը վկայություն էր տալիս, սակայն միաժամանակ այդ երկրին պատմում էր իր ամենատարբեր «ցավերի մասին. «Նույն թեզերն են շարունակում տարածել, թե Հայաստանն ընդամենը իջևանատուն է Բաքու գնալու համար»:
Բադալյանը չի բացառում, որ Ռուսաստանը կարող է մասնակցել TRIPP-ին:
Իշխող ուժի անդամը ընդգծում է՝ ՀՀ-ի կշիռը մի քանի տարի է՝ փոխվել է. «Մենք թույլ չենք տալիս՝ մեզ հետ մատ թափ տալով խոսեն, վասալի պես: Մենք պետք է դառնանք տարածաշրջանում հզոր, զարգացած, թելադրող երկիր»:
Ինչ վերաբերում է հունիսին սպասվող ընտրություններին, վերջինս շեշտում է. «Ռազմական հեղաշրջումների, ճնշումների արդյունքում իշխանափոխություն չի լինելու, խմբակները չեն որոշելու, ժողովուրդը ում ընտրի, նա էլ կստանձնի երկրի կառավարումը»:
Առավել մանրամասն՝ «Հայկական ժամանակ»-ի հետ հարցազրույցում:
