ՀՀ ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը գրում է.
Դատական հայց եմ ներկայացրել ընդդեմ «Ժողովուրդ» օրաթերթի, պահանջում եմ հերքում, ներողություն և դրամական փոխհատուցում իմ մասին կեղծ տեղեկություններ հրապարակելու և զրպարտելու համար:
«Պատիվ ունեմ» խմբակցության պատգամավոր Թագուհի Թովմասյանին պատկանող «Ժողովուրդ» օրաթերթը վերջին տարիներին պարբերաբար փորձում է արատավորել իմ անունը` ինձ վերագրելով առերևույթ հորինված փաստեր:
Խոսքի ազատությունը բացարձակ արժեք է, բայց խոսքի ազատությունը երբեք չի կարող դառնալ մարդկանց զրպարտելու կամ վիրավորելու միջոց:
