ՀՀ էկոնոմիկայի նախարար Գևորգ Պապոյանը հանձնաժողովի նիստում հայտարարել է, որ նախատեսում են Հայաստան բերել հերթական համաշխարհային աստղին։
Լրագրողների հարցին, թե ում մասին է խոսքը, նախարարն արձագանքել է.
«Կգա ժամանակը, Կառավարությունը դրա մասին կհայտարարի։ Մենք պլանավորում ենք այսուհետև տարեկան մինչև երկու կամ ավելի համաշխարհային աստղ հրավիրել Հայաստան, ինչը զբոսաշրջության զարգացման տրամաբանության մեջ է»։
Նա օրինակ է բերել Վրաստանին՝ նշելով, որ այդ ուղղությամբ երկիրը բավականին հաջող է աշխատել։
Հարցին՝ արդյոք արդեն բանակցություններ ընթանո՞ւմ են, նախարար Պապոյանը պատասխանել է՝ այո՛, սակայն խուսափել է անուններ նշելուց։
