Աշնանը կայանալիք միջանկյալ ընտրությունների արդյունքներով Հանրապետական կուսակցությունը կարող է կորցնել վերահսկողությունը ԱՄՆ Կոնգրեսի երկու պալատների նկատմամբ։ Այս մասին գրում է Axios պորտալը։
«Սենատի կորուստը, որտեղ հանրապետականներն ունեն մեծամասնություն (53 ձայն՝ 47-ի դիմաց), միանգամայն հնարավոր է, և նրանք ստիպված կլինեն սպասվածից ավելի ուժեղ պայքար մղել այն պահպանելու համար», — նշված է հրապարակման մեջ։
Հոդվածի հեղինակները գրում են, որ Կոնգրեսի երկու պալատների անցումը Դեմոկրատական կուսակցության վերահսկողության տակ կդառնա իսկական «քաղաքական ցնցում»։ Դա նշանակում է հանրապետականների լիակատար չեզոքացում առաջիկա երկու տարիների համար, որոնց ընթացքում Սպիտակ տունը դեռ մնալու է նրանց վերահսկողության տակ։
Փետրվարի 6-ին ԱՄՆ նախագահ Դոնալդ Թրամփը Truth Social սոցիալական ցանցում կոչ է արել հանրապետականներին աջակցել «Ամերիկայի փրկության մասին օրենքին», որը նախատեսում է ընտրակեղծիքների դեմ ուղղված միջոցառումներ։ Նրա համոզմամբ՝ ԱՄՆ-ում ընտրական գործընթացը կեղծված է, «գողացված» և ծաղրի առարկա է դարձել ողջ աշխարհում։
