Հայաստանի, Ռուսաստանի և Ադրբեջանի միջև եռակողմ համաձայնագրերը թույլ են տալիս լուծել տրանսպորտային հարցերը Հարավային Կովկասում, հայտարարել է ՌԴ ԱԳ նախարար Սերգեյ Լավրովը ՀՀ Ազգային ժողովի նախագահ Ալեն Սիմոնյանի հետ հանդիպման ժամանակ:
«Բոլոր պայմանավորվածությունները, որոնք ձեռք են բերվել 2020-2022 թվականներին Ռուսաստանի և Ադրբեջանի նախագահների և Հայաստանի վարչապետի մակարդակով, մեր կարծիքով՝ արդիական են մնում նախևառաջ տարածաշրջանում տնտեսական, տրանսպորտային և լոգիստիկ խնդիրների լուծման համար։
Հայաստանը պետք է զգալի առավելություններ ստանա այդ գործընթացից, անհրաժեշտ է վերացնել բոլոր խոչընդոտները ողջ տարածաշրջանի՝ որպես մեկ ամբողջության, բնականոն գործունեության համար: Մոսկվան պատրաստ է դրան»,- հայտարարել Է ՌԴ ԱԳ նախարարը:
