Հայաստանի Հանրապետության վարչապետ Նիկոլ Փաշինյանը և Ադրբեջանի Հանրապետության նախագահ Իլհամ Ալիևը ընդլայնված կազմով հանդիպումից հետո շփումը նաև շարունակել են «դեմ առ դեմ» ձևաչափով։
Հանդիպումներն ավարտվել են:
ՀՀ կառավարությունը հրապարակել է հանդիպման ընթացքից լուսանկարներ, որոնք ներկայացնում ենք ստորև:
Ինչպես հայտնել ենք, Աբու Դաբիում մեկնարկել էր Հայաստանի Հանրապետության վարչապետ Նիկոլ Փաշինյանի և Ադրբեջանի Հանրապետության նախագահ Իլհամ Ալիևի հանդիպումը:
Հանդիպմանը հայկական կողմից ՀՀ վարչապետի հետ մասնակցել են ՀՀ փոխվարչապետ Մհեր Գրիգորյանը, արտաքին գործերի նախարար Արարատ Միրզոյանը, Անվտանգության խորհրդի քարտուղար Արմեն Գրիգորյանը և ԱԺ փոխխոսնակ Ռուբեն Ռուբինյանը:
Ադրբեջանական կողմից Ալիևի հետ միասին հանդիպմանը մասնակցել են փոխվարչապետ Շահին Մուստաֆաևը, երկրի արտաքին գործերի նախարար Ջեյհուն Բայրամովը, Ադրբեջանի նախագահի օգնական Հիքմեթ Հաջիևը:
Հիշեցնենք, որ վարչապետ Նիկոլ Փաշինյանը տիկնոջ՝ Աննա Հակոբյանի հետ աշխատանքային այցով մեկնել էր Արաբական Միացյալ Էմիրություններ, որտեղ սպասվում է «Զայեդ» մարդկային եղբայրության 2026 մրցանակաբաշխությունը։
