Ազգային ժողովի «Քաղաքացիական պայմանագիր» խմբակցության պատգամավոր Լիլիթ Ստեփանյանը կարծում է, որ Ռոբերտ Քոչարյանն իր վերջին ասուլիսում ոչ մի նոր բան չի ասել, կրկնել է այն թեզերը, որոնք տարիներ շարունակ ասում է:
Ըստ պատգամավորի՝ թմբուկ նվագելու վերաբերյալ Ռ. Քոչարյանի պատասխանը խոսում է նրա արժեհամակարգի և դաստիարակության մասին (-Խմբ. Վերջինս ասել էր, թե դա կապիկություն է):
Լիլիթ Ստեփանյանի խոսքով՝ Ռոբերտ Քոչարյանի կառավարման տարիներին հազարավոր մարդիկ երկրից տարել են իրենց տղաներին, որպեսզի նրանք չծառայեն բանակում: Իսկ այսօր շատերը դիմում են գործող իշխանությանը՝ խնդրելով քայլեր ձեռնարկել հայրենիք վերադառնալու և պարտքը կատարելու համար:
Պատգամավորը հավաստիացնում է՝ Հայաստանի Հանրապետությունը բռնել է ժողովրդավարության ուղին և ուզում է, որ խաղաղության գլխավոր երաշխիքը լինի ժողովրդավարությունը:
Ինչ վերաբերում է նրան, որ Ռ. Քոչարյանը ռիսկեր է տեսնում TRIPP նախագծի դեպքում, պատգամավորն ասում է՝ սահմանին խաղաղ է, Ադրբեջանը չի կրակում, և չի բացառվում, որ Քոչարյանը մարդիկ ուղարկի Իրան՝ այնտեղ տրամադրությունները բորբոքելու համար:
Իշխող ուժի անդամը ընդգծում է՝ այս մարդկանց դարն անցել է, որի հետ չեն համակերպվում: Անցել են նաև այն ժամանակները, երբ նրանք պարկով գումար էին բաժանում որպես ընտրակաշառք. «Սամվել Կարապետյանը կարծում է, թե ՀՀ-ն իր կազմակերպություններից մեկն է, մեծ բիզնես օֆիս»:
Լիլիթ Ստեփանյանը շեշտում է՝ մենք այլևս չենք ուզում ունենալ երկաթե շերեփ, այն պետք է դառնա երկաթե:
Առավել մանրամասն՝ «Հայկական ժամանակ»-ի հետ հարցազրույցում:
