Վաղարշապատ համայնքի ղեկավար Արգիշտի Մեխակյանն այցելել է Արագած բնակավայր՝ 100-ամյա հոբելյանը նշող Սեդա տատիկի տուն։
«Այս առիթը ոչ միայն անձնական, այլև համայնքային կարևոր իրադարձություն է:
Այս նշանակալի օրը ևս մեկ անգամ հիշեցրեց, թե որքան կարևոր է մեր ավագ սերնդի դերը համայնքի պատմության ու արժեքների պահպանման գործում:
Սեդա տատիկի անցած կյանքի ճանապարհը օրինակ է տոկունության, համբերության և մարդկային ջերմության: Մաղթում եմ նրան առողջություն, երկար ու խաղաղ օրեր՝ շրջապատված ընտանիքի սիրով ու հոգատարությամբ:
Ի դեպ, Սեդա տատիկն ունի 3 երեխա, 10 թոռ, 27 ծոռ և 2 կոռ»,- սոցցանցի իր էջում գրել է Մեխակյանը:
