Եթե ՌԴ տարածքում գտնվող միգրանտը հանցագործություն է կատարել իր հայրենիքում, նրան չի տրամադրվի Ռուսաստանի քաղաքացիություն կամ բնակության թույլտվություն։
Սա նախատեսված է Ռուսաստանի Ներքին գործերի նախարարության կողմից պատրաստված օրենքի նախագծով։
Օրինագծում նշվում է, որ Ռուսաստանի քաղաքացիություն կամ բնակության թույլտվություն ստանալու համար դիմելիս միգրանտները պարտավոր կլինեն ներկայացնել քրեական անցյալի բացակայության մասին տեղեկանք։
Օտարերկրացիները պարտավոր կլինեն համապատասխան փաստաթուղթը ստանալ իրենց հայրենիքում։
Օրենքի նախագիծը հաստատվել է Նախարարների կաբինետի կողմից։
