Դատախազության՝ ապօրինի ծագում ունեցող գույքի բռնագանձման 155 հայցապահանջ է ներկայում քննվում դատարաններում:
155 հայցապահանջների ընդհանուր հայցագինը 595 միլիարդ 817 միլիոն դրամ է՝ շուրջ 1 միլիարդ 572 միլիոն ԱՄՆ դոլար:
Այս հայցերով Դատախազությունը պահանջում է Հայաստանի Հանրապետությանը վերադարձնել 324 շարժական, 1463 անշարժ գույքեր, 440 իրավաբանական անձանցում մասնակցություն: Հայցերով դրամական պահանջը կազմում է 518 միլիարդ 428 միլիոն դրամ:
Դատախազության հայցապահանջները վերաբերում են ՀՀ նախկին նախագահ Ռոբերտ Քոչարյանին և նրա ընտանիքի անդամներին, Երևանի նախկին քաղաքապետ Գագիկ Բեգլարյանին, ԱԺ Նախկին պատգամավոր Գագիկ Ծառուկյանին, ՊԵԿ նախկին նախագահ Գագիկ Խաչատրյանին, ՀՀ նախկին ոստիկանապետ Վլադիմիր Գասպարյանին, Հատուկ հանձնարարություններով նախկին դեսպան Լյովա Սարգսյանին և նրանց ընտանիքի անդամներին:
«Հայկական ժամանակ»-ը զրուցել է ՀՀ գլխավոր դատախազի տեղակալ Էդգար Արսենյանի հետ:
