Սիրիայի նախագահ Ահմեդ ալ-Շարաան հրամանագիր է ստորագրել՝ ուղղված Սիրիայում քրդական համայնքի իրավունքների պաշտպանությանը, այդ թվում՝ էթնիկ և լեզվական խտրականության բացառմանը։Փաստաթղթի համաձայն՝ քրդերենը անկախ Սիրիայի պատմության մեջ առաջին անգամ ճանաչվում է որպես ազգային լեզու: Սա տեղի է ունեցել Հալեպի քրդաբնակ թաղամասերի վերջնական վերահսկողությունը ալ-Շարաայի ուժերին փոխանցելու հետ միաժամանակ՝ 2012 թվականից ի վեր դրանք վերահսկող տեղական աշխարհազորայինների հետ ամիսներ տևած դաժան մարտերից հետո: Այս մասին հաղորդում է Al Arabiya-ն։
Ալ-Շարաայի հրամանագրի համաձայն՝ քրդերենը «այժմ կարող է դասավանդվել այն տարածքների դպրոցներում, որտեղ քրդերը կազմում են բնակչության զգալի մասը»՝ ակնհայտորեն Եփրատ գետից այն կողմ գտնվող տարածքի հյուսիսային մասում, որը վերահսկվում է ներկայիս քրդական ուժերի կողմից, և Հալեպի նահանգում: Վերջապես, Սիրիայի ժամանակավոր կառավարությունը խոստանում է Սիրիայի քաղաքացիություն շնորհել Սիրիայի տարածքում բնակվող քրդական ծագում ունեցող բոլոր քաղաքացիներին:
