ՀՀ վարչապետ Նիկոլ Փաշինյանը կառավարության նիստում անդրադարձել է հայ-ամերիկյան TRIPP-ի մասին հայտարարությանը, այն որակելով պատմական հնարավորություն․
Ըստ Փաշինյանի՝ հայ-ամերիկյան հայտարարության իմաստն ու գործնական նշանակությունը հետևյալն է. «Խաղաղությունը շատ կոնկրետ ու գործնական քայլերով հաստատվում է մեր հանրապետությունում և մեր տարածաշրջանում, և այն այլևս գործնական իրողություն է»։
Վարչապետը նաև նշել է. «Ուզում եմ վերահաստատել մեր քաղաքական կամքը. համաձայնեցված շրջանակներում մենք իհարկե պատրաստ ենք, տրամադրված ենք և միանշանակ գնալու ենք դրան՝ այդ թվում Ադրբեջանի հիմնական մասի ու Նախիջևանի Ինքնավար Հանրապետության միջև անխոչընդոտ հաղորդակցությունն ապահովելու այն սկզբունքներով, ինչի մասին մենք բազմիցս խոսել ենք»։
