Բալթյան երկրների հայոց թեմի առաջնորդ Վազգեն արքեպիսկոպոս Միրզախանյանը գտնվում է Էստոնիայում և այնտեղից է դիտել վարչապետի գլխավորած ուխտերթը, հուզվել և ոգևորվել:
Այս մասին նա ասում է «Հայկական ժամանակ»-ի հետ հարցազրույցում տեսակապի միջոցով:
Սրբազանը ոգևորվել է հատկապես վարչապետի խոսքից, որում նա խնդիրներ է բարձրացրել:
«Նա և Կառավարությունը կանգնած են եկեղեցու բարեփոխման կողքին: Վարչապետը հոգևոր բարձր խոսք ասաց»,- նկատում է հոգևորականը:
Սրբազան հայրը հիշեցնում է, որ վարչապետը համակարգող խորհուրդ ստեղծելու մասին ավելի վաղ էր հայտարարել. «Վստահ եմ, որ խորհրդին այլ մարդիկ էլ կմիանան»:
Վազգեն արք. Միրզախանյանն ասում է՝ չի կարող Մայր Աթոռը մնալ հին և սովետական բարքերի մեջ. «Եկեղեցի-պետություն առողջ համագործակցություն պետք է լինի»:
Վարչապետի՝ եկեղեցու բարեփոխման օրակարգին սատարող սրբազանը հայտնում է, որ 10 սրբազանների նամակին, որը փոխանցել էին Մայր Աթոռ, ոչ մի արձագանք չի եղել:
«Կաթողիկոսին աքցանի մեջ են պահում, որ չշեղվի: Արտաքին և ներքին ազդեցություն կա: Եկեղեցին քաշել են ներքաղաքական անցուդարձի մեջ, հետո էլ ասում են՝ պաշտպանում ենք, ումի՞ց եք պաշտպանում»,- ասում է նա:
Հոգևորականը եզրափակում է՝ շեշտելով. «Ես չեմ հիշում մի ղեկավար, որ գնար եկեղեցի աղոթեր, սաղմոս ասեր: Վստահաբար այս գործընթացը հաջողելու է, որովհետև Տիրոջը հաճելի է»:
Առավել մանրամասն՝ տեսանյութում:
