ՄԱԿ-ի գլխավոր քարտուղար Անտոնիո Գուտերեշը մտահոգված է Խերսոնի մարզում Ուկրաինայի զինված ուժերի հարձակմամբ։
«Կազմակերպության ղեկավարն անընդունելի է համարում քաղաքացիական անձանց և քաղաքացիական ենթակառուցվածքների վրա հարձակումները։ Նման հարվածներն արգելված են միջազգային իրավունքով։ Որտեղ էլ տեղի ունենան, դրանք անընդունելի են և պետք է դադարեցվեն»,- «ՌԻԱ Նովոստի»-ին ասել է Գուտերեշի մամուլի քարտուղար Ստեֆան Դյուժարիկը:
Ամանորի գիշերը Խերսոնի մարզում ուկրաինական զինուժի հարձակման հետևանքով մահացածների թիվը հասել է 28-ի։
