«Ինձ համար, որպես ՀՀ կառավարության անդամի, չկա սրբազան, չկա դիրիժոր, նկարիչ, պետական պաշտոնյա, կա մի բան՝ բոլորի հավասարությունն օրենքի առաջ»։
Այս մասին Հանրային հեռուստաընկերությանը տված հարցազրույցում ասել է ԱԳ նախարար Արարատ Միրզոյանը՝ խոսելով հոգևորականների ձերբակալությունների մասին։
«Այն պահից, երբ որ եկեղեցու վերնախավից մի հատված որոշում է մտնել քաղաքականություն և որդեգրում է քաղաքական կուսակցության պահվածք, գործելաոճ և այլն, այդ պահից քաղաքական որևէ ուժ կարող է ասել չէ՞ դե բարի գալուստ քաղաքականություն:
Հայաստանի Հանրապետությունում կա օրենքի գերակայություն, օրենքի առաջ բոլորը հավասար են։ Ինչքան մեր իրավապահները հասցնում են, կարողանում են հետաքննել, այդքան պետք է այդ գործընթացները իրականանան»,-ավելացրել է Միրզոյանը։
