Մոսկվան դրական դինամիկա է տեսնում Երևանի և Բաքվի երկխոսության մեջ և նկատում է տարածաշրջանի ներսում կապերի վերականգնում:
Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Ռուսաստանը ողջունում է տրանսպորտային հաղորդակցությունների ապաշրջափակման սկսված գործընթացը, այդ թվում՝ Ադրբեջանի տարածքով Հայաստան ռուսական հացահատիկի շարունակական մատակարարումները: Դա հաստատում է «3+3» ձևաչափի զարգացման արդիականությունը, որտեղ շեշտը դրվում է տրանսպորտային, էներգետիկ, մշակութային ոլորտում գործակցության խորացման վրա»,- ասել է նա:
ՌԴ ԱԳՆ խոսնակը հավելել է, որ Մոսկվան կցանկանար այդ հարթակում տեսնել նաև վրացի գործընկերներին:
