Եգիպտոսում կայացել է Հայաստանի Հանրապետության և Եգիպտոսի Արաբական Հանրապետության միջև միջկառավարական համատեղ հանձնաժողովի 6-րդ նիստը։
Ինչպես հայտնել է նախարարությունը, հանձնաժողովի հայկական կողմի համանախագահն է եղել ՀՀ էկոնոմիկայի նախարար Գևորգ Պապոյանը, իսկ եգիպտական կողմինը՝ ԵԱՀ պլանավորման, տնտեսական զարգացման և միջազգային համագործակցության նախարար Ռանյա Ալ-Մաշատը։
Նիստի ընթացքում քննարկվել են երկկողմ առևտրատնտեսական հարաբերությունների զարգացման հեռանկարները, մասնավորապես՝ առևտրի, ներդրումների, ներմուծման և արտահանման, արդյունաբերության, գյուղատնտեսության, ջրային ռեսուրսների կառավարման, գյուղատնտեսության, լոգիստիկայի, զբոսաշրջության և այլ ոլորտներում։
Հանդիպման ընթացքում Գևորգ Պապոյանը ներկայացրել է «Խաղաղության խաչմերուկ» և TRIPP նախաձեռնությունները`ընդգծելով դրանց կարևորությունը տարածաշրջանային տնտեսական համագործակցության և երկարաժամկետ խաղաղության համար։
Հանդիպման ավարտին ստորագրվել է միջկառավարական հանձնաժողովի նիստի արձանագրությունը։
