Վերաքննիչ քրեական դատարանի դատավոր Արմեն Համլետի Դանիելյանը Ռոբերտ Քոչարյանի եւ մյուսների բողոքների գործով ինքնաբացարկ չհայտնեց:
Դատարանը քիչ առաջ խորհրդակցական սենյակից վերադառնալով՝ մերժեց Քոչարյանի պաշտպանների եւ տուժողի իրավահաջորդի ներկայացուցիչ Սեդա Սաֆարյանի նախորդ նիստին ներկայացված թվով 6 միջնորդությունները:
Ռոբերտ Քոչարյանն այսօր դատարան չի ներկայացվել:
Նախորդ նիստին պաշտպաններն ու տուժողի իրավահաջորդի ներկայացուցիչը տարբեր հիմքերով կասկածի տակ էին դրել Դանիելյանի անաչառությունն ու անկողմնակալությունը:
Նախորդ նիստերից մեկում դատավորին կրկին ինքնաբացարկի միջնորդություն էր ներկայացվել, սակայն այն մերժվել էր:
Նշենք, որ դատարանը դեռ չի անցել բողոքների քննությանը: Դատախազությունը բողոքներ է ներկայացրել Քոչարյանի խափանման միջոց կալանավորումը Արցախի նախկին եւ ներկա նախագահների անձնական երաշխավորությամբ փոփոխելու եւ Մարտի 1-ի անջատված մասով գործի վարույթը կասեցնելու, Սահմանադրական դատարան դիմելու առաջին ատյանի դատարանի որոշումների դեմ:
