Դեկտեմբերի 23-ին տեղի է ունեցել «Իմ քայլը» հիմնադրամի հոգաբարձուների խորհրդի տարեվերջյան ամփոփիչ նիստը։
Ինչպես հայտնել է հիմնադրամը, նիստին մասնակցել են հիմնադրամի գործադիր տնօրեն Աննա Հակոբյանը, հոգաբարձուների խորհրդի նախագահ Լենա Նազարյանը, ինչպես նաև խորհրդի անդամներ Վահագն Թևոսյանը, Վահագն Հայրապետյանը, Վահան Վարդապետյանը, փոխտնօրեն Թալին Թօփալաքեանը և գործառնությունների գծով պատասխանատու Սոնա Աբրահամյանը։
Նիստի ընթացքում ներկայացվել և քննարկվել են հիմնադրամի կողմից իրականացվող ծրագրերի 2025 թվականի արդյունքները, գնահատվեց դրանց արդյունավետությունն ու հասարակական ազդեցությունը։ Քննարկվեցին իրականացված աշխատանքները, գրանցված ձեռքբերումները և զարգացման առաջիկա հիմնական առաջնահերթությունները։
Հոգաբարձուների խորհրդի անդամները բարձր են գնահատել հիմնադրամի կողմից իրականացված հսկա աշխատանքն, ինչպես նաև շարունակական զարգացմանն ու ծրագրերի բարելավմանն ուղղված հետևողական քայլերը։
Խորհրդի նիստի ընթացքում քննարկվել են նաև «Իմ քայլը» հիմնադրամի 2026 թվականի բյուջեն՝ նախատեսելով ծրագրերի շարունակական իրականացում, ընդլայնում և նոր նախաձեռնությունների մեկնարկ։
Նիստի ավարտին նշվել է, որ հիմնադրամը 2026 թվական է մուտք գործում նոր նպատակներով՝ ոգեշնչված շահառուների արձագանքից, և լի մեծ սպասելիքներով՝ հաստատակամորեն շարունակելով իր առաքելությունը:
