Երբ քաղաքացիական իրավունքի պաշտպանները թաքցնում են իրենց քաղաքական նպատակները, նրանց կարող եք կոչել քամելիոններ։ Չմտածեք, թե Հայաստանում մարդու իրավունքներ պաշտպանել պետք չէ, կամ արգելված է քաղաքական ընդդիմախոս լինելը։
Ուղղակի դրանք տարբեր սոուսներ են, թեև հեղափոխությունը թույլ է տվել համտեսել միաժամանակ և միևնույն ափսեից, ինչն էլ արվում է, ինչքան էլ հեղափոխականները հիշեցնում են, թե մեր թավիշը մի շփոթեք թուլության հետ։
Բայց, չէ որ արդեն շփոթել են, և խաղադրույքն էլ դրված է Հայաստանի վերափոխումն ամեն գնով պղծելու վրա։ Ինչ արած, կան նաև երկիրն այդպես սիրողներ, դա էլ է իրավունք, ինչպես Հայաստանի վերափոխմանը մաս կազմելու իրավունքը։
Ուզում եք իրացնել այդ իրավունքը, դարձեք ընդդիմություն, առանց քամելիոնության, այնպիսին, ինչպիսին այսօր իշխանության եկածն էր։
Կարող են նախկիններն այդպիսին լինել, իհարկե ոչ, եթե կուզեք, չեն էլ ուզում լինել, պարզապես չեն ուզում վճարել իրենց հասանելիք լռության դիմաց, որովհետև Հայաստանի վերափոխման մայր օրենքը թավիշն է մնում․․․
