ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը «Ֆեյսբուք»-ի իր էջում գրառում է կատարել՝ անդրադառնալով ընդդիմության կողմից Մայր Աթոռում հավաքվելու կոչերին ու Լևոն Քոչարյանի, Նարեկ Կարապետյանի, Իշխան Սաղաթելյանի առանձին հայտարարություններին:
«Չեմ հավատում, որ չխաչակնքվող հայրը որդուն սովորեցրել է խաչակնքվել:
Չեմ հավատում, որ ֆրանկ հորեղբայրն իր եղբոր որդուն համոզել է, որ Առաքելական եկեղեցու հետևորդ պետք է դառնա:
Չեմ հավատում, որ Հայաստանի համար միութենական ապագայի համար շրջաբերական տարածող դաշնակցականը սովետական «լավագույն» ավանդույթները թողած՝ եկել է եկեղեցի պաշտպանելու:
Սա աստվածամերժ սերնդի ապստամբություն է:
Հակառակ դեպքում պետք է ընդունեն՝ մեկը իր հոր, մյուսը՝ հորեղբոր, երրորդը՝ սեփական կուսակցության մերժումը»,- ասվում է հաղորդագրության մեջ:
