Եղեգնաձոր քաղաքում տեղի է ունեցել Հայաստանում Եվրոպական Միության առաքելության անդամների պարգևատրման արարողություն, որի ընթացքում հանձնվել են մեդալներ:
15 երկրից 41 միջազգային առաքելության անդամ, ինչպես նաև Հայաստանից առաքելության 43 անդամ ստացել են Ընդհանուր անվտանգության և պաշտպանության քաղաքականության (CSDP) ծառայության մեդալը։
«Մենք հատուկ շնորհակալություն ենք հայտնում Հայաստանի մեր գործընկերներին՝ իրենց անսասան նվիրվածության և աջակցության համար: Սրտանց շնորհակալություն ենք հայտնում Հայաստանում ԵՄ առաքելության բոլոր անդամներին՝ իրենց ծառայության և նվիրվածության համար»,- ասվում է հաղորդագրության մեջ:
