ԱԺ «Քաղաքացիական պայմանագիր» խմբակցության պատգամավոր Հասմիկ Հակոբյանը «Ֆեյսբուք»-ի իր էջում գրառում է կատարել՝ անդրադառնալով Ռոբերտ Քոչարյանի վերջին հայտարարություններից մեկին, համաձայն որի՝ իր ստորագրությամբ ՌԴ-ին փոխանցված ՀՀ սեփականություն հանդիսացած գույքերը «անպետք» են եղել:
«Փաստորեն Ռոբերտ Քոչարյանը «քցել է» ՌԴ նախագահ Պուտինին: Արդարանալով հայտնի «գույք՝ պարտքի դիմաց» գործարքին՝ նախօրեին Քոչարյանն ասաց, որ ՌԴ-ին հանձնած գույքերը անպետք, չգործող են եղել: Դե Պուտինն էլ միամիտ-միամիտ պարտքի դիմաց վերցրել է այդ, Քոչարյանի ասած՝ անիմաստ, արժեք չունեցող գործարանները, իսկ իրականում ոչ միայն արժեքավոր, այլ նաև ռազմավարական կարևոր նշանակություն ունեցող օբյեկտները:
Հիշեցնեմ այդ գույքերը՝
- «Հրազդանի ՋԷԿ»,
- Երևանի «Մարս» գործարան,
- «Նյութաբանության գիտահետազոտական և արտադրական ձեռնարկություն» ՓԲԸ,
- «Երևանի կառավարման ավտոմատացված համակարգերի գիտահետազոտական ինստիտուտ» ՓԲԸ,
- «Երևանի մաթեմատիկական մեքենաների գիտահետազոտական ինստիտուտ» ՓԲԸ-ն:
- Գույքի հետ միասին հանձնվեցին նաև ընկերությունների հողատարածքները:
ՌԴ-ն նաև իրավունք ստացավ այս ենթակառուցվածքները վերավաճառելու»,- գրել է Հակոբյանը
