ԱՄՆ զինված ուժերը շուտով կսկսեն հարվածներ հասցնել ցամաքային թիրախներին՝ Լատինական Ամերիկայում թմրամիջոցների դեմ պայքարի շրջանակներում։
Այս մասին հայտարարել է ԱՄՆ նախագահ Դոնալդ Թրամփը։
«Մենք շատ կոշտ դիրքորոշում ենք ընդունել, և դա մարդկանց դուր է գալիս։ Ծովով մեր երկիր մտնող թմրանյութերի ծավալը նվազել է 94%-ով», — դեկտեմբերի 6-ին ասել է Թրամփը՝ ելույթ ունենալով Պետդեպարտամենտում կայացած հանդիսավոր ընդունելության ժամանակ։
Նա հավելել է, որ նույն գործընթացը սկսելու են ցամաքում, քանի որգիտեն յուրաքանչյուր երթուղի:
«Մենք գիտենք յուրաքանչյուր շենք, մենք գիտենք, թե որտեղ են նրանք ապրում։ Մենք ամեն ինչ գիտենք նրանց մասին», — նշել է Սպիտակ տան ղեկավարը՝ մեջբերելով այն գնահատականները, թե անցյալ տարի ԱՄՆ-ում թմրանյութերի օգտագործման հետևանքով մահացել է մոտ 300,000 մարդ։
«Սա սարսափելի պատերազմ է, և մենք թույլ չենք տա, որ դա տեղի ունենա», — ընդգծել է նա։
