ՀՀ վարչապետ Նիկոլ Փաշինյանը Սպիտակ քաղաքում հարգանքի տուրք է մատուցել 1988 թվականի զոհերի հիշատակին:
Նրան ուղեկցել են հանրապետության նախագահ Վահագն Խաչատուրյանը, ԱԺ նախագահ Ալեն Սիմոնյանը, վարչապետի աշխատակազմի ղեկավար Արայիկ Հարությունյանը, ՏԿԵ նախարար Դավիթ Խուդաթյանը, այլք:
«Սպիտակում հարգանքի տուրք՝ 1988-ի դեկտեմբերի 7-ի երկրաշարժի զոհերի հիշատակին»,- գրել է վարչապետը Instagram-ի իր միկրոբլոգում:
Հիշեցնենք՝ այսօր Սպիտակի ավերիչ երկրաշարժի զոհերի հիշատակի օրն է:
37 տարի առաջ այս օրը՝ ժամը 11:41-ին տեղի ունեցած երկրաշարժը խլեց 25 հազար մարդու կյանք, ավելի քան կես միլիոն մարդ դարձավ անօթևան:
