Ռուսաստանի վարչապետ Միխայիլ Միշուստինը հեռախոսազրույց է ունեցել Ադրբեջանի վարչապետ Ալի Ասադովի հետ՝ քննարկել երկկողմ համագործակցության և ԱՊՀ շրջանակներում համագործակցության խորացման հարցերը։
Ըստ միջազգային լրատվամիջոցների, քննարկվել են ռուս-ադրբեջանական առևտրատնտեսական, գիտատեխնիկական համագործակցության արդիական հարցերը, ինչպես նաև Անկախ Պետությունների Համագործակցության շրջանակում համագործակցության խորացումը:
Միշուստինը և Ասադովը նաև ընդգծել են արդյունաբերության, էներգետիկայի, տրանսպորտային ենթակառուցվածքների և այլ ոլորտներում համատեղ նախագծերի առաջխաղացման կարևորությունը։
