Տիգրան Տեր-Պետրոսյանը սոցցանցի իր էջում արխիվային տեսանյութ է հրապարակել՝ անդրադառնալով Արշակ Խաչատրյանի ձերբակալությանը հետևած մեկնաբանություններին:
«Սրբապիղծ Սամվելի ձերբակալությունը ծանր են տարել լուսանցքում գտնվող մի շարք քաղաքական «գործիչներ»:
Սկսել էին վերլուծել սրբապղծի պոռնո վիդեոները, պայուսակի մեջ թմրանյութ գցելը, իսկ վերջում փորձագետի դեմքով եզրահանգման են գալիս` իբրև Սամվելը «սուրբ» է:
Տալիս եմ ձեզ նոր առաջադրանք.
Հաղարծին վանական համալիրում, հավատացյալ քաղաքացին հարց է ուղում Սամվելին, «Ինչու՞ թմրանյութը գցել տվեցիք պայուսակի մեջ», իսկ սրբապիղծը պատասխանում է բռունցքով հարվածելով քաղաքացու դեմքին`իրեն պահելով իր հարուստ կենսակերպին վայել`ավելացնելով խուժան խուլիգանի վարքը:
Սա էլ վերլուծեք քաղաքական Չգործիչներ»,- գրել է նա:
Ինչպես հայտնել էինք, Մայր Աթոռի դիվանապետ Արշակ Խաչատրյանը ձերբակալվել է:
Վերջինիս նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան:
ՀՀ քննչական կոմիտեից «Հայկական ժամանակ»-ին ավելի վաղ հայտնել էին, որ քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական հանաձայնությամբ թմրամիջոց ապօրինի իրացնելը հանդիսադիր վայրում):
