Դեկտեմբերի 3-ին Արմավիրի մարզի Խորունք և Գրիբոյեդով համայնքների միջև ընկած դաշտամիջյան հատվածում՝ ջրատարում, հայտնաբերվել է որպես անհետ կորած որոնվող Արմինե Մկրտումյանի դին։
Ինչպես հայտնում է ՆԳՆ ոստիկանությունը, նշանակվել են փորձաքննություններ։
Հիշեցնենք, որ 1983 թվականին ծնված Արմինե Մկրտումյանին ՆԳՆ Քրեական ոստիկանության Արմավիրի մարզային վարչությունը որպես անհետ կորածի որոնում էր։
