Ինչպես ավելի վաղ հայտնել էինք, Աննա Հակոբյանը սոցցանցի իր էջում տեղեկացրել է, որ ոչ մի բնույթի առնչություն չունի «88» սուպերմարկետների ցանցի հետ՝ անգամ որպես շարքային սպառող։ Հակոբյանը նաև բոլորին խորհուրդ է տվել բոյկոտել «88»-ը, և առհասարակ, ցանկացած բիզնես, որի անունը կկապվի իր անվան հետ:
Աննա Հակոբյանի եղբայրը՝ «Քաղաքացիական պայմանագիր» խմբակցության պատգամավոր Հրաչյա Հակոբյանը, ԱԺ-ում լրագրողների հետ զրույցում անդրադառնալով հայտարարությանը, նշել է՝ գրառումը նույնիսկ մի փոքր ուշացած է:
«Շատ է խոսվում այդ մասին, որ «88»-ը ինչ-որ ձևով կապ ունի իմ կամ Աննա Հակոբյանի հետ: Ես էլ էի մտածում, որ անդրադառնամ թեմային, բայց չէի ուզում ավելի լրջացնել, մտածեցի՝ խոսք է, կանցնի կգնա, սակայն հասկացանք, որ շատ է արդեն այդ մասին խոսվում»,- ասաց Հակոբյանը:
