ԱԺ նախագահ Ալեն Սիմոնյանը լրագրողների հետ ճեպազրույցում նշել է, որ երկրում ընդդիմություն գոյություն չունի։
Սիմոնյանի խոսքով՝ ներկայում օրակարգը թելադրում է գործող իշխանությունը, իսկ ընդդիմությունն ունի միայն հակադարձողի կարգավիճակ։
Նա նշել է, որ ընդդիմությունն ասելիք չունի և վերջին հինգ տարին շարունակ արձագանքում է միայն նույն բնույթի արտահայտություններով՝ «թուրք, դավաճան, հողատու»։
Սիմոնյանը նաև հավելել է, որ նրանք ընտրությունների թեմայով ևս հստակ առաջարկ չեն ներկայացնում՝ նշելով, որ կարող էին, օրինակ, պահանջել 2026 թվականի հունիսի 7-ին ընտրությունների անցկացում։
