ԱԺ «Քաղաքացիական պայմանագիր» խմբակցության պատգամավոր Ալխաս Ղազարյանը «Ֆեյսբուք»-ի իր էջում գրառում է կատարել՝ անդրադառնալով Վաղարշապատի ՏԻՄ ընտրություններում «Քաղաքացիական պայմանագիր» կուսակցության տարած հաղթանակին:
««Քաղաքացիական պայմանագիր» կուսակցությունը՝ Արգիշտի Մեխակյանի գլխավորությամբ, վճռական հաղթանակ տարավ Վաղարշապատում։
Վաղարշապատում մեր հայրենակիցները ևս մեկ անգամ հաստատեցին, որ հավաքական «սաքուլիկների» էջը փակ է, և անցյալին վերադարձ չկա։
Շնորհակալություն Վաղարշապատի բոլոր քաղաքացիներին իրենց վստահության համար, քանզի իրենց քվեարկությամբ հաղթեց ոչ միայն Վաղարշապատը, այլև Հայաստանը։
Շնորհավորում եմ Արգիշտի Մեխակյանին և ՔՊ թիմին համոզիչ հաղթանակի համար և մաղթում բեղուն աշխատանք՝ ի բարօրություն Վաղարշապատի և նրա բնակիչների»,- գրել է Ղազարյանը:
