Հունգարիայի վարչապետ Վիկտոր Օրբանը հայտարարել է, որ Գերմանիայի նախկին կանցլեր Անգելա Մերկելի հետ բազմաթիվ հաճելի աշխատանքային օրեր են ունեցել, եղել են նաև ընդհարումներ, անգամ Մերկելը քանիցս ձայնը բարձրացրել է իր վրա:
«Ես հարգում էի Անգելա Մերկելին՝ շատ բաների համար: Նա շատ խելացի և գրավիչ կին է: Քաղաքականության մեջ արտաքինը երբեմն կարևոր է: Ես վայելում էի նրա հետ աշխատելը:
Երբեմն նա նույնիսկ գոռում էր ինձ վրա: Դա, իհարկե, հաճելի չէր, և նա դա անում էր նույնիսկ ավելի հաճախ, քան իմ կինը: Նա ավելի բարդ է, քան արտաքինից թվում է»,- նշել է Օրբանը։
