Երեխայի հայրը խեղդամահ անելու ճանապարհով սպանել է երեխային։ Այս մասին քիչ առաջ ԱԺ ճեպազրույցի ընթացքում հայտնեց ՆԳ նախարար Արփինե Սարգսյանը։
Հիշեցնենք, որ նոյեմբերի 2-ին, մի քանի օր շարունակ որոնողական աշխատանքների արդյունքում Գեղարքունիքի մարզում հայտնաբերվել էր հոկտեմբերի 27-ից որպես անհայտ որոնվող Ծափաթաղ գյուղի բնակիչ 3-ամյա Տիգրանի մարմինը։
Փրկարարները, պարեկները ու ոստիկանները երեխայի դին հայտնաբերել էին Ծափաթաղ գյուղին հարակից Ջիլ գյուղի ցուցանակից մոտ 60 մետր հեռավորության վրա՝ դաշտամիջյան հատվածում։
