«Հայաստանում քաղբանտարկյալներ չկան և երբեք չեն լինելու, բայց Հայաստանում կան օրենքի գերակայություն և օրենքի գերիշխանություն»:
Այս մասին լրագրողների հետ զրույցում ասել է ԱՍՀ նախարար Արսեն Թորոսյանը՝ անդրադառնալով հարցին՝ Հայաստանում կա՞ն քաղբանտարկյալներ:
«Ժողովրդավարական երկրների կարևորագույն կոմպոնենտներից մեկը հենց օրենքի գերակայությունն է, որ օրենքի առջև բոլորը պետք է լինեն հավասար՝ անկախ քաղաքական հայացքներից:
Եթե խոսքը հանցագործության համար մեղադրվող ընդդիմադիրների բանտարկության, կալանավորման կամ դատապարտման մասին է, բազմաթիվ են դեպքերը, որոնք վերաբերում են գործող պաշտոնյաներին, որոնք և՛ բանտարկվել են, և՛ կալանավորվել են, և՛ դատապարտվել են, և՛ արդեն ազատվել են: Հայաստանում ընտրողական արդարադատությանը վաղուց վերջ է դրվել»,- ասաց նա:
Հարցին՝ Հայաստանում կարո՞ղ են հայտարարության համար մարդ կալանավորել, Թորոսյանն արձագանքեց՝ Հայաստանում ոչ մի հայտարարության համար ոչ ոքի չեն կալանավորում, կան քրեական հոդվածներ:
