ՀՀ հակակոռուպցիոն դատարանի դատավոր Վարդգես Սարգսյանի որոշմամբ Ղարաբաղի ՊԲ նախկին հրամանատար, գեներալ լեյտենանտ Միքայել Արզումանյանի նկատմամբ կիրառված խափանման միջոց կալանքը փոխարինվել է տնային կալանքով։
Այս մասին հայտնել է փաստաբան Երեմ Սարգսյանը:
Արզումանյանն անազատության մեջ է 2022 թվականի օգոստոսի 30-ից՝ 2020 թվականի 44-օրյա պատերազմի ընթացքում Շուշիի և հարակից շրջանների պաշտպանության կազմակերպման ընթացքում պաշտոնեական անփութություն կատարելու մեղադրանքով։
Ըստ Քննչական կոմիտեի՝ 2020 թվականի հոկտեմբերի 30-ից նոյեմբերի 9-ը Արզումանյանը անփույթ վերաբերմունք է դրսևորել իր ծառայողական պարտականությունների նկատմամբ, ինչը հանգեցրել է ծանր հետևանքների։
Մեղադրանքի մեկ այլ դրվագ վերաբերում է պատերազմի ընթացքում «Արեգա» ազատագրված բարձունքը թողնելուն և նահանջելուն։
