ՀՀ վարչապետ Նիկոլ Փաշինյանը ժամանել է Հովհաննավանքի եկեղեցի, որտեղ մասնակցելու է Գարեգին Բ-ի կողմից կարգալույծ հռչակված քահանա Տեր Արամի մատուցած Սուրբ պատարագին:
Վարչապետի հետ միասին Հովհաննավանք է ժամանել Պաշտպանության նախարար Սուրեն Պապիկյանը:
Նրանց ժամանելուց և եկեղեցի մտնելուց րոպեներ անց հնչել են եկեղեցու զանգերը, մեկնարկում է Սուրբ պատարագը:
Ավելի վաղ հայտնել ենք, որ մի քանի հարյուր մարդ է հավաքվել Օհանավան համայնքում՝ Հովհաննավանքի եկեղեցու մոտ, մասնակցելու կիրակնօրյա Սուրբ պատարագին, որն ավելի վաղ խոստացել է մատուցել Տեր Արամը:
Քաղաքացիները ոչ միայն Արագածոտնի տարբեր համայնքների բնակիչներ են, այլև ՀՀ տարբեր մարզերից են ժամանել:
Տեղում են «Քաղաքացիական պայմանագիր» կուսակցության բազմաթիվ անդամներ, պատգամավորներ, նախարարներ, մի շարք մարզերի մարզպետներ ու փոխմարզպետներ:
Տեղում կենտրոնացվել են ոստիկանական մեծաթիվ ուժեր, որոնք կենտրոնական հատվածն ազատել են քաղաքացիական մեքենաներից:
