ՀՅԴ–ական Հրանտ Մարգարյանի որդին մահացավ, տեղեկությունը ԶԼՄ–ների հետ զրույցում հաստատել են Դաշնակցությունից։
Մահացել է ՀՅԴ Բյուրոյի ներկայացուցիչ Հրանտ Մարգարյանի որդին է՝ Մխիթար Մարգարյանը: Այս մասին հայտնում է «Արմլուրը»։
Ավելի վաղ հայտնել էինք, որ հրազենային վնասվածքով երեկ հիվանդանոց է տեղափոխվել ՀՅԴ ԳՄ անդամ Հրանտ Մարգարյանի որդին` Մխիթար Մարգարյանը. նրա վիճակը գնահատվում էր ծայրահեղ ծանր։
ԶԼՄ տեղեկություններով` դեպքը տեղի է ունեցել Երևանի Արաբկիր վարչական շրջանում՝ Երիցյանների սուպերմարկետի հետնամասում: Նախնական տեղեկություններով՝ Մխիթար Մարգարյանը ինքնասպանության փորձ է կատարել՝ կրակելով կոկորդին։
Մխիթար Մարգարյանը 41 տարեկան էր, արցախյան պատերազմների մասնակից։
Հիշեցնենք, որ երեկ երեկոյան Մարգարյանի որդուն հրազենային վնասվածքով հիվանդանոց էին տեղափոխել Փափազյան փողոցից։ Մեր տեղեկություններով, նա ինքնասպանության փորձ էր կատարել։
