Վաղարշապատ համայնքի ղեկավարի պաշտոնակատար Արգիշտի Մեխակյանի իրականացրած շրջայցի ընթացքում ոսկեհատցիների կողմից բարձրաձայնած կարիքներն ու առաջարկները հաշվի առնելով՝ համայնքապետարանը նախաձեռնել է Ոսկեհատ գյուղի կենտրոնական հատվածում նոր, ժամանակակից զբոսայգու կառուցում։
Այս մասին տեղեկացրել է Վաղարշապատի համայնքապետարանը:
«Ապագա զբոսայգին կդառնա մեր գյուղի սիրելի հանգստի և ժամանցի վայրերից մեկը, որը կունենա՝
մինի ֆուտբոլի դաշտ
խաղահրապարակ երեխաների համար
հանգստի գոտի՝ նստարաններով և կանաչապատ տարածքով
մարզահրապարակ՝ առողջ կենսակերպի սիրահարների համար:
Ներկայացված լուսանկարը գեներացված է արհեստական բանականության միջոցով և արտացոլում է տարածքի նախագծային պատկերացումը։
Այս նախաձեռնությամբ մենք միասին ձևավորում ենք ավելի գեղեցիկ ու հարմարավետ Ոսկեհատ»,- ասված է հաղորդագրության մեջ։
