«Քաղաքացիական պայմանագիր» խմբակցության պատգամավոր Արփի Դավոյանը գրում է.
Եվ նորից ՀԷՑ-ը ⚡️💡
Հասկացա ՀԷՑ խորհրդի նախագահի նախկին տեղակալ Նարեկ Կարապետյանի սրտնեղության պատճառը, նա 2017-2024 թթ. ընթացքում է մոտ 400 մլն դրամ աշխատավարձ ստացել, տարեկան շուրջ 46-53մլն։
Համեմատած իր հաջորդին` ահագին նամուսով է գտնվել, քանի որ նա մեկ տարում էր մոտ 347 մլն դրամ աշխատավարձ ստացել։
Ու էս միլիոնավոր դրամները բաժանորդները կաթիլ-կաթիլ վճարել են, որ մի շարք մարդիկ, իրենց ձևերով, աստղաբաշխական աշխատավարձեր ստանան, իսկ հին մալուխները հրդեհվեն, էլեկտրասյուները քամուց ճոճվեն ու ընկնեն, ՀԷՑ-ի սովորական աշխատակիցները 100-150 հազար դրամով յոլա գնան։
Եվ ամենակարևորը ասեն, որ ՀԷՑ-ում ներդրումներ են կատարվում, սակայն ինչպես տեսնում ենք , ներդրումները կատարվել են իրենց ընտանեկան բյուջեում։
