«Ինձ ամենաշատը մեղադրում են նրա մեջ, որ ՀՀ նախկին նախագահները մեր քաղաքական կյանքում դեռ գոյություն ունեն։ Հույս ունեմ, որ առաջիկա ընտրություններում այդ հարցը կլուծվի»,- լրագրողների հետ ճեպազրույցի ժամանակ ասաց վարչապետ Նիկոլ Փաշինյանը՝ նշելով, որ ժողովուրդն ընտրություններով Սերժ Սարգսյանին, Ռոբերտ Քոչարյանին, Լևոն Տեր-Պետրոսյանին իրենց տեղերը ցույց է տվել։
«Ես պիտի արդարանամ, որ Սերժ Սարգսյանի, Ռոբերտ Քոչարյանի լեզուն դեռ պտտվում է ՀՀ-ում որևէ բան ասելու, բայց ես կարծում եմ, որ առաջիկա ընտրություններում մեր ժողովուրդը հնարավորություն կունենա նրանց քաղաքական լեզուն կտրել և արմատախիլ անել»,-ասել է Փաշինյանը:
