Նոր Նորքի Տորք Անգեղի արձանի հարևանությամբ ստեղծվում է նոր զբոսայգի․ 4․2 հեկտար տարածք, որը կլինի երևանցիների ու քաղաքի հյուրերի համար ժամանակակից, հասանելի ու հարմարավետ միջավայր։
Այս մասին սոցցանցի իր էջում հայտնել է Երևանի քաղաքապետ Տիգրան Ավինյանը:
«Այգին կունենա ընդարձակ կանաչ գոտիներ, երեխաների համար խաղահրապարակ, ֆուտբոլի դաշտ ու բացօթյա ամֆիթատրոն։ Նախատեսված են նաև ճեմուղիներ ու հեծանվային ուղիներ։
Այս նախագիծը Նոր Նորքը դարձնելու է ընտանիքների, երեխաների, մարզասերների ու պարզապես զբոսանքի եկած բոլոր մարդկանց համար սիրված վայր»,- գրել է Ավինյանը:
