Քաղաքագետ Լիլիթ Դալլաքյանը «Ֆեյսբուք»-ի իր էջում արձագանքել է RT-ի գլխավոր խմբագիր Մարգարիտա Սիմոնյանի տարածած ապատեղեկությանը և պնդմանը, թե իբր Հայաստանը դառնում է «Իրանի դեմ ԱՄՆ-ի ապագա պատերազմի թատերաբեմ»։
«Տիկին Յուղային մազեր Սիմոնյանի վերլուծությունից (նրա մտքերը լսում ենք միայն որպես Կրեմլի խոսափող) մի կարևոր արձանագրում պետք է անել. Ռուսաստանի և ԱՄՆ-ի միջև «սիրավեպը» ավարտվել է, Մոսկվան այլևս չի վստահում Թրամփին, չի կիսում նրա հետ աշխարհը, ԱՄՆ-ն չի համարում նույն արժեքներ կրող երկիր, իսկ Եվրոպային՝ սատանա, էլ չի աղոթում Թրամփի համար, որը, ըստ գեղեցկուհու, ուզում է ՌԴ «դաշնակից» Իրանի վրա հարձակվել և ՌԴ-ին հեռացնել տարածաշրջանից։ Կարճատև սիրավեպ էր…
Նկատել եմ, որ Իրանի փոխարեն Հայաստանի հանդեպ իր մտահոգությունները մշտապես հայտնում է Ռուսաստանը, որը ինքը չի հարգում Իրանի կարմիր գծերը՝ «Զանգեզուրի միջանցքի» վերաբերյալ, և անդադար պահանջում է այդ միջանցքը Հայաստանից։
Իսկ Իրանի վրա հարձակման օրերին պարզեցին, որ ոչնչով չեն կարող օգնել. միայն Մեդվեդևն ասաց, որ Թեհրանին միջուկային զենք կտա, հետո հերքեց իր գրառումը։
Ամուսնուն էլ գցել ա կոմայի մեջ, որ կյանքը վայելի։ Հանենայն դեպս, դեմքին այն նույն ժպիտն է, որով 2020 թվականին խոսելով հայ զինվորների մահվան և Արցախի վրա հարձակման մասին՝ ասում էր, որ Հայաստանը շուտով կորցնելու է իր պետականությունը․ 5 տարի է դա է երազում անհույս»,- գրել է Դալլաքյանը:
