![]()
Հուլիսի 22-ին բազմաթիվ քաղաքացիներ և նաև հանրային գործիչներ, ում դատի է տվել Բագրատ Գալստանյանը, միացել են ՀՀ առողջաահության նախարար Անահիտ Ավանեսյանի՝ ժողովրդին վիրավորանքներ հասցնելու համար խմբային հայց ներկայացնելու առաջարկին:
Այս մասին սոցցանցի իր էջում հայտնել է նախարարը:
«Եվ այսպես, Քաղ. դատավարության օրենսգրքի 224 հոդվածի համաձայն նախաձեռնում ենք խմբային հայց` Բագրատ Գալստանյանի դեմ:
Ստյոպա Սաֆարյանն առաջարկել է կազմակերպչական առումով աջակցել. սիրով ընդունում եմ առաջարկը:
Ճիշտ է, մենք ներողամիտ և մեծահոգի ժողովուրդ ենք, բայց պատասխանատվությունը լավ բան է:
Առաջարկում եմ բարոյական վնասի համար պահանջվող գումարն էլ ուղղել մի բարի և հանրօգուտ գործի:
Հայցին միանալու և գործընթացի մասին լրացուցիչ կտեղեկացնենք»,- գրել է նախարարը:
Ավելի վաղ Անահիտ Ավանեսյանը «Ֆեյսբուք»-ի իր էջում անդրադարձել էր կալանքի տակ գտնվող և ահաբեկչության մեղադրանքով անցնող Վազգեն Գալստանյանի կողմից իր դեմ դատական հայցի ներկայացմանը, տեղադրել ՔԿ հրապարակած ձայնագրություններից հետո արված գրառումը և առաջարկել միասնական հայց ներկայացնել ժողովրդին «խոր անասուն» անվանած անձի դեմ:
![]()