Գողական տերտերը պատժել էր միլպետին. Կտրիճն ու Եզրասը գնալու են, դա շատ լավ հասկանում են. Սաֆարյան. տեսանյութ

Քաղաքագետ Ստյոպա Սաֆարյանի խոսքով՝ թե՛ Սամվել Կարապետյանը, թե՛ Վազգեն (Բագրատ) Գալստանյանը, դատական հայցեր ներկայացնելով, փորձում են թիրախավորել և լռեցնել իշխող ուժի ակտիվ անդամներին և հանրային կարծիքի ձևավորման վրա ազդեցություն ունեցող գործիչներին: Ըստ նրա՝ սա կազմակերպված օպերացաիա է:

«Անմեղսունակության հասնող հայտարարություններ են անում, թե եթե մենք՝ հանրային գործիչներս, չլինենք, Նիկոլ Փաշինյանի իշխանությունը կփլուզվի»,- նկատում է զրուցակիցը:

Միևնույն ժամանակ Սաֆարյանն ասում է՝ ավելի լավ է այսպես հարցերը տեղափոխվեն իրավական տիրույթ, քան ահաբեկչական մոտեցում լինի՝ փողոցում մարդկանց գյուլլելու, սպանելու և այլն:

Սաֆարյանը և բազմաթիվ այլ մարդիկ ևս պատրաստվում են պատասխան հայցով մտնել դատարան:

«Մարդիկ արձանագրում են, որ սա նաև տոտալ գումար աշխատելու տարբերակ է»,- ասում է նա՝ միևնույն ժամանակ նկատելով. «Սակայն չեմ կարծում, որ վերջիններս գումարի խնդիր ունեն, պարզապես ուզում են ցույց տալ, թե փող չկա, ֆինանսավորող չունեն»:

Անդրադառնալով ռուսական կողմի այն պնդումներին, թե ԵՄ գնալով՝ Հայաստանը ստրկացման ճանապարհն է բեռնել՝ քաղաքագետն ասում է. «Ստրկացումն այն էր, որ Մարգարիտա Սիմոնյանի նման ճ կլասի անձը կարող էր ՀՀ-ում իշխանության ձևավորման վրա ազդել: Հայկական թայֆան Կրեմլի ցուցումով կարող էր զանգել և հարցեր լուծել այստեղ: Սամվել Կարապետյանը կաթողիկոսի հետ միասին իրենց վերջին շանսն է: Իրենց վիճակը ՌԴ-ում բարդ է, բացատրություն են ուզում, թե ինչպես ՀՀ ժողովուրդը դարձավ հակառուսական: Հասկացրել են՝ կամ պրոբլեմ կունենաք, կամ գնացեք փրկեք իրավիճակը, ոտ ու ձեռ են ընկել: Մայր Աթոռն էլ իրենց կեղտոտ պլանների համար վահան են սարքել»:

Սաֆարյանը ուշագրավ դեպք է հիշում. «Տարիներ առաջ Նոյեմբերյանում ամենագողական հայտնի տղեն տերտերն էր, որը աջ ու ձախ խնդիր էր լուծում: Նա էն տղեն էր, որը պատժեց միլպետին: Բեսպրիդելչիկ միլպետի դեմ պայքարում էր գողական տերտերը»:

Վերջինս ասում է՝ հոգևորականներն ուզում են, որ թագավորի պես պահեն իրենց. «Բա գիտեք՝ հեշտ է ձեր մեռելներին թաղելը, սգո ծառայություն մատուցելը»:

Զրուցակիցը ընդգծում է՝ Գարեգին Բ-ն որպես հեղինակազրկված կաթողիկոս այլևս չի կարող գահակալել:

Առավել մանրամասն՝ «Հայկական ժամանակ»-ի հետ հարցազրույցում:

Loading

Մի մոռացեք կիսվել Ձեր ընկերների հետ