«Հիդրոօդերևութաբանության և մոնիթորինգի» կենտրոն ՊՈԱԿ-ի տնօրեն Լևոն Ազիզյանը ֆեյսբուքյան իր էջում տեսանյութ է հրապարակել՝ կից գրառմամբ․
«Սովորաբար կարկուտի ժամանակ ականատեսները նկարահանում են փողոցը, ճանապարհը, մեքենաները, թե ինչպես է սառույցը հարվածում ծառերին, մեքենաներին կամ շենքերին: Բայց այս տեսանյութը նկարահանվել է բոլորովին այլ ռակուրսից։
Զույգը մեքենայով անցնում է մայրուղով՝ նկարահանելով դրամատիկ երկինքը և հենց այդ պահին սկսվում է կարկուտը։ Երկնքից անթիվ կարկուտի հատիկներ են թափվում, կարծես աղետի մասին ֆիլմից դանդաղեցված կադրեր լինեն»։
