Ուզում էին պատերի տակ մեզ գնդակահարե՞լ, սրբապիղծ Բագրատ, արևը կտեսնես ճաղերի հետևից. Հակոբյան. տեսանյութ

Ազգային ժողովի «Քաղաքացիական պայմանագիր» խմբակցության պատգամավոր Հասմիկ Հակոբյանի խոսքով՝ Եկեղեցու պատերի ներսում ահաբեկիչներ են աճեցրել, որպեսզի գան դյուրավառ հեղուկ լցնելով՝ հավատացյալներին ավտոբուսում այրեն, կամ շենքեր գրավեն, պատերի տակ մարդկանց գյուլլեն:

Այս մասին նա ասում է «Հայկական ժամանակ»-ի հետ զրույցում՝ անդրադառնալով իրավապահների բացահայտումներին:

Ըստ նրա՝ օրեր առաջ դաշնակցական Հրանտ Մարգարյանը շատ անկեղծ խոսել է, ասել, որ նոր պոռթկում է լինելու, ինչպես «Հոկտեմբերի 27»-ը. թացը չորի հետ խառնվելու է, և ակտը վերջնական լինելու է սրբություն սրբոց:

«Սրբապիղծը իր ձայնագրություններում խոսում է արցախցիներին ներգրավելու մասին, Լևոն Քոչարյանին է ասել՝ սթափվեք, դաշնակցականներն են ինչ-որ ցուցակներ տալիս, Վարդան Այվազյան թերմացքն է ներառված էս ամեն ինչի մեջ, այսինքն՝ տարիներով կեղեքողները այսօր հավաքվել են, որ պատերի տակ մեզ գնդակահարե՞ն, ժողովրդի իշխանությունը ուժով խլեն»,- ասում է Հակոբյանը:

Իշխող ուժի անդամը նկատում է՝ նման մի սառը ցնցուղ էր պետք, որ վերջնական պարզ դառնա՝ ով են էս մարդիկ:

Հակոբյանը կարևորում է այն, որ քաղաքական միավորները, գործիչները հստակ հայտարարեն՝ աջակցո՞ւմ են սրբապիղծ Բագրատին, թե՞ ոչ:

Միաժամանակ վերջինս պատական չի համարում կալանավորված Սամվել Կարապետյանի՝ Եկեղեցու վերնախավի կողքին լինելը և իր ձևերով հարցեր լուծելու հայտարարությունը. «Ռոբերտ Քոչարյանը նմանատիպ հոգևորական էր ուզում, իրենք մարդկանց վերաբերվում են իբրև անասունների: Նպատակը մեկն է՝ աթոռը զավթեն, վեր ընկնեն վրեն»:

Հասմիկ Հակոբյանը շեշտում է՝ ծոծրակները կտեսնեն, բայց ՀՀ-ում իշխանության տապալում, պետականության կորուստ չեն տեսնի. «Բագրատը երկար ժամանակ արևը պետք է տեսնի ճաղերից»:

Առավել մանրամասն՝ հարցազրույցում:

Loading

Մի մոռացեք կիսվել Ձեր ընկերների հետ